POEME ROMÂNESTI ÎN LIMBI STRĂINE

Marius CHELARU

Kristo

ed arapan tayo
ag nanengneng na amin
si Kristo akaalagey

makapaermen
Say Masanton Kasulatan
manbabalikas para ed anggapo

oneesaes
Siak so Kristo
awit ko so ermen na lapag a mundo
mansaa'y dala na bakal kapigan labat
libit ko so liket na lapag a mundo
ed imis na samput a kapanianak ya ugaw
libit ko so banua
tan saray bolaklak
say pilalek a kugip
kanepegan ko so mangkugip
panisiaan mo man
ono andi

Siak so Kristo
maermen ya oneesaes
ed kamareruak
amin ya aro na mundo et oneesaes
say dala da'ra'y atiguay
tan saray ag nianak et onaagos
dia'd olaolat ko
saray palar ko
adeyeng na pasak na andi'y pililikna

Siak so Kristo
saray ilog na tawen onaagos
dia ed pusok
say rosas na panangaro ombubuneknek
ed pusok
no iner manayam kayon amin
ya nanengneng ak
ya ag ak nerengel
ed anlong ko
say Amalsa narumog to'y sempen
yames to'y kanonotan
ed kada lua yo

Siak so Kristo
(versiunea în limba pangasinană: Santiago B. VILLAFANIA

Cavite, Manilla, Filipine)