POEME ROMÂNESTI ÎN LIMBI STRĂINE

 

Cassian Maria SPIRIDON

NUK EKZISTON

Nuk ekziston qenje më gënjeshtare se sa poeti
Ai kur thot/ të dua/ mos i beso
Tashmë në mëndjen e tij pason një varg tjetër
Më i rëndësishëm/ ji e sigurtë/
Se sa kjo deklaratë solemne
(Disi e tmerrshme/ është e vërtetë/ në
Gojën e një poeti që/ sidoqoftë respektohet)
Atij nuk duhet kurrë t’i besosh
S’ është në gjendje as veten
Ta dojë
Nuk ka besë dhe shpresë
Në ëndërrat e veta
I masakron/ I tradhëton
I dëbon nË poema
Për t’u bërë jeta e tij
Më komode dhe e përgjumur
Ai do dhe shpeshherë është
                               Një zgjimtar/
Për të tjerët/
                               dritë shkëlqimtare e Realitetit
Që të kaplon

Krejt mendimet/ e vjetra/ të harruara
               Dhe më të rejat
Si mbi një tryezë operacioni
Do të të ndriten/ të ekspozuara
Do të të duken tmerërisht/
               Të braktisura
Më të gjalla dhe më të vërteta se kurrë
Të gjitha të huaja dhe kundër teje/
                               Akuzuese
Përse/ ngase i ke lindur

Indifernte/ armike
               False dhe me papërfillshmëri të mundojnë
Të ndjekin dhe të harrojnë
Gjenden jashtë teje
Mbetesh i braktisur/ i pushtuar nga vetmia
Dhe fatkeqësia
Si një lule e degdisur ndër dëborë
Në dëshprim/ nën terrorin e pastrimit
Në Oqeanin e vetmisë
Me Lirinë e çveshur/
                               Pa pengesa
Dhe pa drejtime
Gadi për shpërbërje fushave të tmerrshme
Në kryqin ku takohen
Lartmadhëria e Tij me kundërmimin e mishit
                               Të njeriut gjendesh
Larg botës së këtushme
Ndërmjet shëmbëlltyrave dhe iluzioneve
I magjepsur/ I tradhëtuar deri në shpartallim/
I mundur

Nuk të mbetet veçse Ringjallja
Atje të pret Lavdia
Me shpatën vrringëllimtare
                               E ngritur drejt botës

 

E KAM SHKRUAR NJË TRAKTAT

E kam shkruar një traktat
Për vdekjen
Për esencën dhe boshllëkun
Një dekalog të tërë të dashurisë
Një ese për frikën
Një punim
Për pavdekshmërinë
Duke e treguar mundimin e dheut
Lëvizjet e yjeve
I kam djegur

Hirin e pi
Në mëngjez dhe mbrëmje
Ditën e natën